News & Video

Kòrsou promové komo é destinashon #1 pa vakashon di buseo Durante di Boat Show Düsseldorf na Alemania

Resientemente Ofisina di Turismo di Kòrsou (CTB)
huntu ku diferente partner den sektor turístiko a partisipá na e di 50 edishon di
‘International Boat Show Düsseldorf’. E aña aki ‘Boot 2019’ a kibra rèkòrt, ku
partisipashon di mas ku 2000 ekshibidor for di 73 pais kubriendo un área di 220.000 meter
kuadrá hasiendo e feria un plataforma gigante pa tur ekshibidor partisipante. E feria ku ta
enfoká riba turismo di buseo i aktividatnan akuátiko un biaha mas a resultá masha
eksitoso.
E aña aki aproksimadamente 250.000 persona a bishitá e feria for di 100 pais respektivamente.
Mayoria bishitante ta prosedente di; Hulanda, Bèlgika, Gran Bretania, Suisa, Italia i Alemania mes.
Durante 9 dia a ekshibí Kòrsou su bida marítimo i a profilá nos isla komo é destinashon pa
vakashon di buseo pa tur sambuyadó ku ta buska un eksperensiá ekstraordinario. Ademas di esaki
CTB a duna diferente presentashon, kada bes den un seshon di 10 minüt. A kompañá e
presentashon ku un video di e kampaña nobo ‘Feel it for Yourself’. Den transkurso di e mesun
siman CTB a organisá un sena na Tulip Inn na kual a invitá tur ko-ekshibidor i un grupo selekto di
operadornan di tour. Un danki ta bai na partnernan lokal, Sun Reef Village on Sea, Rancho el
Sobrino, Blue Bay Dive & Watersports, Coral Divers Curaçao, Curaçao Divers, All West
Apartments & Diving, Go West Diving, Bluefinn Charters, Livingstone Jan Thiel Resort i Acoya
Curaçao Resort, Villas & Spa ku a kompañá CTB durante di Boot 2019.