News & Video

CHATA ta inisiá i aña nobo ku su miembronan.

CHATA a tene su promé evento pa habri e añanobo den kompania di su miembro-i kolaboradornan. E evento a tuma lugána un di e hotèlnan mas resien den e industria,kual ta Dreams Curaçao Resort, Spa & Casino. Aki invitadonan a keda risibí na entrada pa akobratnan skupidó di kandela mientras nan ta aserká e evento bistí segun tema, algu blanku. Durante e evento, e presidenteiCEO di CHATA,Sr. Miles Mercera, a habrie anochi yamando bon biní ku un diskurso i presentashon kaminda el a pone enfasis riba e desaroyonan den sektor di turismo i hospitalidat.

El a kontinuá na introdusí CHATA su lema pa e aña akí: ‘Turismo 2020: invertiendo den nos hendenan’, splikando ku e enfasis pa e aña akí lo ta riba servisio.“Nos meta ta pa kontinuamente traha riba mehoransa di establesementunan den hospitalidat i turismol i e servisio duná na nos turista i lokalnan.Pa medio di invershon den nos mes hendenan, nos ta krea un eksperensia mas plasentero pa turista i alabes kontribuí na nos komunidat lokal. Nos ta konstruí varios kamber di hotèl i trese mas aerolinea, pero finalmente loke ta mas importante pa nos destinashon no ta nos aeropuerto kompletamente renobá o un hotèl nobo, pero ta i lo keda nos hendenan. Nos hendenan ta representá nos isla I pa e motibu aki ora un hende menshoná Kòrsou, nos ke panan asosiá esaki imediatemente ku e bon servisio ku nan a risibí durante nan bishita.”,Sr.Mercera ta kompartí.

Un di e diferente maneranan ku CHATA ta sigui pone enfasis riba servisio i nos hendenan ta ku su proyekto mas resien ‘Kla Pa Turismo’ ku ta enfoká riba invershon den nos hendenan lokal pa medio di treining pa asina nan ta bon prepará i tin tambe un mentalidat enfoká riba servisio.Den kuadro di esaki, CHATA a lansa un video di servisio ku ta ilustrá e difrerente servisionan ofresé riba nos isla. E video ta ilustrá e importansia di duna bon servisio na tantu nos propio hendenan komo nos turistanan, enkurashando nan pa bolbe bishitá nos isla i tambe e establesementunan.E anochi a kontinuá ku un sorpresa,kaminda Coral Restoration Foundation Curacao i tambe Sea Turtle Conservation Curaçao, a risibi un donashon generoso di ANG.6000 kada unu ku a keda rekoudá durante e Curaçao Dive Festival 2019, organisá pa Dive Curaçao den kolaborashon ku CHATA.

Kontinuando den un esfera generoso, a anunsia un rekonosementu di CHATA pa ‘Empleado di Aña’, kende ta Sra. Indeliënne Reenis di Dreams Curaçao Resort, Spa & Casino i tambe ‘Supervisor di Aña’ kende ta Sra. Iris Faneyt di Avila Beach Hotel. E ganadornan a risibí un rekonosementu di CHATA i tambe un pasashi ida i buelta patrosiná pa Avianca.Sr. Alexis Jake di Renaissance Curaçao Resort & Casino tambe a risibí un rekonosementu komo ‘Embahador di Kòrsou’, pa su esfuersonan i a keda opsekiá ku un pasashi ida i buelta, patrosiná pa Avianca i estadia na Papagayo Beach Hotel.

Despues di e presentashon i diskursonan, e invitadonan, bou di kua e Presidente di Direktivadi CHATA, Sr. Hans Slierinos Minister di Desaroyo Ekonomiko, Sra. Giselle Mc William, a kontinua disfrutando ku otro di e evento ku entretenimiento di DJ Ryan, Juni Juliet i tambe un presentashon speshal di nos Rei di Tumba,Ray Lauffer.

Kuminda i bebida na e evento tabata na enkargo di Dreams Curaçao Resort, Spa & Casino i e anochi eksitoso a keda klousura ku un tremendo presentashon di vürwerk.Un danki ta bai na tur patrosinadó di e evento: Dreams Curaçao Resort, Spa & Casino,Licores Maduro,Polar, Dewar’s,Avianca, Papagayo Curaçao, InspiraciónCuraçao,Plantage Mendez Nevez i tambe 3D Curaçao Professional Fireworks Display.