News & Video

ARUBA ISLAND TAKE OVER FESTIVAL

Despues di hopi speculashon, e lansamentu ofisial di “Aruba Island
Take Over” a tuma luga durante un rueda di prensa na oficina di Fun Miles Korsou.
Nos islanan lo konose un festival ku lo ‘take over’ e isla di Aruba pa 4 dia yena ku
fiestanan, ‘happy hours’ y un mega kosierto. Ta trata aki di un di e konsiertonan di
mas grandi den historia di Aruba ku presentashon di J. Balvin, Bad Bunny, Alex
Sensation y Jeon.

Di 1 pa November 4 2018, Aruba Island Take Over lo ta e anfitrion di
entre otro un welcome party, Aruba Ariba happy hour, pool party, beach party, boat
party i tambe e konsierto di aña. “Nos ta orguyoso di por anunsia ku pa prome
biaha e artista JEON lo komparti esenario ku J.Balvin i Bad Bunny na Aruba!”, asina
e representante di Aruba Island Take Over, Mark Benson Denz a anunsia durante e
konferensia. E konosido Alex Sensation tambe lo ta parti di e evento. Fun Miles lo ta
e partner ofisial na Korsou pa por kumpra ticket. Pa esnan ku kier mesa por yama
519-2929.

Korsou ta invita pa biaha pa Aruba pa e 4 dianan aki. Ta rekomenda tur hende si pa
reserva nan biahe direktamente ku aerolinea of tuma kontakto ku agente di biahe
preferi.

Tantu e DJnan komo tambe e artistanan grandi ku lo t’ey ta un atrakshon riba nan
mes pa grandi y esunnan mas hoben ku ta bin bishita Aruba, banda di e meskla di
genero musikal manera reggaeton, urban, house music y techno entre otro, ku tambe
e turistanan lo por disfruta di dje durante e “Aruba Island Take Over”. Entre otro
riba djasabra lo tin un tremendo Pool y Beach Party presenta pa EF i Partai. Aki
por mira kon e mundu urbano ta topa ku esun elektroniko den un festival.