News & Video

Live Stream

Stanley Clementina ta debuta su álbum tan antisipa YDK

WILLEMSTAD – Stanley Clementina ta wak bek riba 2018 ku satisfakshon, unda ela marka pauta ku varios kansion ku a bira hit na Kòrsou, Aruba i Boneiru. Manera ela priminti fo’i kuminsamentu di aña, e talentoso kantante, kompositor i arreglista porfin ta deleita nos ku YDK,  su promé  EP ku ta konsistí di hitnan manera ‘Komehein, ‘Basil’e’ i ‘Kulpa mi Numa’.

 

Pero riba YDK  tambe tin algún kansion nobo manera ‘You Wine It’, ‘T’asina Ta Biba’ i ‘Mama Told Me’ ku Ori, kual su video clip lo sali pronto. Tambe Stanley a kolabora ku algún artista kurasoleño talentoso manera  Dayo (Strea Nobo) riba ‘T’asina Ta Biba’, kantante di Urban Dopie riba ‘Basil’e’, i Muisjemuis riba ‘Kulpa Mi Numa’. Tur kantika riba YDK a keda komposita i skibi pa Stanley mes, pero tambe ela a kolabora ku varios produktor di renombre manera Zurich Musiq, kende a produsi varios hit pa Broederliefde, i MB Ghettoflow, un di e produktor di reggaetón mas buska di Europa. Pero e cheri riba e bolo ta e ‘remix’ di e hit ‘Komehein’ huntu ku e famoso rapper Dongo, kual ta optenibel riba YDK.  Por haña YDK riba varios plataforma digital musikal, na diferente diskobar popular of después di Stanley su presentashon nan. Día 28 di Desember próksimo, Stanley lo lansa su álbum YDK na Hulanda huntu ku su banda C-Shaw, pero ta premira di regresa Kòrsou na 2019 pa algún presentashon, banda di varios proyekto eksitante.

 

Un 2019 alentador

Stanley a kaba di haña e título i sostén di Fonds Podium Kunsten, unda ela haña un supsidio pa internashonalisa papiamentu ku músika. Ora aña habrí, Stanley lo lansa un kolaborashon ku Muisjemuis i Richie Rich, pa después e bai New York na mart pa hasi algu presentashon. Después di esaki, Stanley lo lansa un bomba huntu ku Jandino i Dongo. Tambe na  yüli/augustus 2019 Stanley ta plania pa bishita Nashville, Memphis i Chicago pa topa ku produktor i kompositor dekora Tommy Sims.

 

Korda pidi na tur radio emisora i televishon popular pa Stanley su delaster produkshon ‘Papia Mi Bon’ i tambe pidi pa e remix di ‘Komehein’ ku Dongo.

 

Tambe ‘like’ su Facebook.com/StanleyAcoustic of mail steezmusic@gmail.com pa mas informashon. Bishitá www.stanleyclementina.com  pa keda na altura di futuro presentashon.

🍏Apple phones🍏 https://itunes.apple.com/curom-multimedia

💪🏾Android Phones💪🏾 https://play.google.com/curom-multimedia